2023 දෙසැම්බර් 31 වන විට ඉන්ද්‍රා සිල්වා හට සම්පත් බැංකුවේ සමස්ත කොටස්වලින් 8.2%ක හිමිකාරීත්වයක් තිබිණ. ඊයේ දිනයේ ගනුදෙනුවෙන් පසු ඔහුගේ කොටස් හිමිකාරීත්වය 9.4%ක් දක්වා ඉහළ යනු ඇත.
1987දී පිහිටුවනු ලැබූ සම්පත් බැංකුවේ මුල්ම ආයෝජකයෙකු ලෙස ඉන්ද්‍රා සිල්වා සැලකේ. තවද ලංකාවේ විශාලතම පෞද්ගලික බැංකුව වන කොමර්ෂල් බැංකුවේ ද දෙවන විශාලතම කොටස් හිමියාවන්නේ ඔහුය.
විකුණුම්කරු: ඉන්ද්‍රා සිල්වා හට ඊයේ දිනයේදී කොටස් විකුණනු ලැබූයේ Ayenka Holdings Ltd. නම් ආයතනය විසිනි. මෙය Global Rubber ආයතනය හිමිකරු වන, ප්‍රධාන පෙළේ ව්‍යාපාරික ප්‍රභාෂ් සුබසිංහට අයිති, ආයෝජනයන් සිදු කරන ආයතනයකි. Ayenka Holdings හට 2023 දෙසැම්බර් 31 වන විට සම්පත් බැංකුවේ 9.97ක කොටස් හිමිකාරීත්වයක්  තිබුණි.
ප්‍රභාෂ් සුභසිංහ සම්පත් බැංකු අධ්‍යක්ෂක මණ්ඩල සාමාජිකයෙකි. එසේම ඉන්ද්‍රා සිල්වාගේ පුත් රුෂංක සිල්වා සම්පත් බැංකුවේ උප සභාපතිවරයාය.
ප්‍රධාන කොටස් හිමියන්:  2023 දෙසැම්බර් 31 වන විට සම්පත් බැංකුවේ ප්‍රධාන කොටස් හිමියන් පස් දෙනා වන්නේ: ධම්මික පෙරේරාගේ Vallibel One PLC (14.95%), ‍රෙනෝර් සිල්වාගේ Phantom Investments (Pvt) Limited (10%), ප්‍රභාෂ් සුභසිංහගේ Ayenka Holdings Ltd (9.97%), සේවක අර්ථසාධක අරමුදල (9.97%) සහ Indra Traders සභාපති ඉන්ද්‍රා සිල්වා (8.2%).
Indra Traders: ව්‍යාපාරික පවුලකින් පැවත එන ඉන්ද්‍රා සිල්වා Indra Traders නමින් මෝටර් රථ විකිණීමේ සමාගමක් ආරම්භ කරනු ලබන්නේ 1974දී පමණය. 1978දී සිදු වූ විවෘත ආර්ථික වැඩපිළිවෙලත් සමගම ඔහුගේ මෝටර් රථ විකිණීමේ ව්‍යාපාරය ශීඝ්‍රයෙන් දියුණුවට පත් විය. ශ්‍රී ලංකාවේ මෝටර් රථ ව්‍යාපාරයේ පුරෝගාමියකු ලෙස ද ඉන්ද්‍රා සිල්වා සැලකේ.
මේ වන විට Indra Traders මෝටර් රථ වෙළෙඳාමට එහා ගිය විවිධාංගීකරණය වූ සමූහ ව්‍යාපාරයකි. මූල්‍ය ක්ෂේත්‍රයට අමතරව දේපල හා හෝටල් ක්ෂේත්‍රයේද විශාල ආයෝජනයන් මෙම සමාගම විසින් අද වන විට සිදු කර ඇත. 
Indra Traders හට අයිති යූනියන් පෙදෙස හා බේබෲක් පෙදෙස යාකරන විශාල ඉඩමක තනා ඇති Trizen මහල් නිවාස සංකීරණය John Keells සමාගම හා Indra Traders සමාගම අතර ඒකාබද්ධ ව්‍යාපෘතියකි.
&nbsp;

ඉන්ද්‍රා සිල්වා රු.බි 1.2ක සම්පත් බැංකු කොටස් මිලට ගනී 

එම පුවත්පත් වාර්තාවට අනුව මෙම සිද්ධිය සිදු වී ඇත්තේ රේනෝ සිල්වා විසින් පසුගිය සතියේ සිකුරාදා හා මේ සතියේ අඟහරුවාදා අතර කාලයේදී Hayleys කොටස් මිලියන 7ක් මිල දී ගැනීමත් සමගය.
එම ගනුදෙනුවත් සමගම රේනෝ සිල්වා සතු Hayleys කොටස් ප්‍රමාණය මිලියන 13.5ක්, නැතහොත් Hayleys සමාගමේ සමස්ත කොටස්වලින් 1.8%ක් වන බව එම DailyFT වාර්තාව පවසයි.
කොටස් හිමි ලයිස්තුව: 2023 දෙසැම්බර් 31 වන දිනට අනුව ප්‍රධාන පෙළේ ව්‍යාපාරික ධම්මික පෙරේරා හට Hayleys සමාගමේ කොටස් 51.01ක හිමිකාරීත්වයක් පවතී.
දෙවන විශාලතම කොටස් හිමියා වන්නේ D.S. ජයසුන්දර භාරයේ භාරකරුය. එම භාරය සතුව ඇති කොටස් ප්‍රමාණය Hayleys සමාගමේ මුළු කොටස් ප්‍රමාණයෙන් 11.6%කි.
තෙවන විශාලතම කොටස් හිමියා වන්නේ McLarens Holdings සමාගමයි. එම සමාගමට හිමි කොටස් ප්‍රමාණය Hayleys සමාගමේ මුළු කොටස් ප්‍රමාණයෙන් 1.76%කි.
ඒ අනුව මේ වන විට රේනෝ සිල්වා McLarens Holdings සමාගම අබිබවා ගොස් Hayleys සමාගමේ තුන් වන විශාලතම කොටස්කරුවා බවට පත්ව ඇත.
2024 මුදල් වර්ෂයට Hayleys කොටසක් සඳහා රුපියල් 5.35ක ලාභාංශය ප්‍රකාශයට පත් කිරීම සිදු වූ අප්‍ර්‍රේල් 1ට පෙර රේනෝ විසින් Hayleys කොටස් මිල දී ගැනීම ආරම්භ කර තිබූ බව Daily FT කියයි.
අරමුණ: රේනෝ සිල්වා DailyFT පුවත්පතට පවසා ඇත්තේ ඔහු විසින් Hayleys කොටස්වල සිදු කර ඇති ආයෝජනය දීර්ඝකාලීන ආයෝජනයක් බවයි. ඔහුට අනුව මේ වන විට කොළඹ කොටස් වෙළඳ පොළේ Hayleys සමාගමේ කොටස් අඩු තක්සේරු (undervalue) අගයක පවතී.
Hayleys සමූහ ව්‍යාපාරය ශ්‍රී ලංකාවේ ප්‍රමුඛතම විවිධාංගීකරණය වූ සමූහ ව්‍යාපාරයක් වන අතර, ව්‍යාපාරික ක්ෂේත්‍ර 12ක සිය ව්‍යාපාරික කටයුතු මෙහෙයවයි. එම සමූහයේ සමස්ත ආදායමෙන් 60%කට වඩා වැඩි ප්‍රමාණයක් ලැබෙන්නේ අපනයනයන් හරහාය.
පසුගිය අඟහරුවාදා වන විට Hayleys කොටසක මිල රු. 83 සීමාව සිට රු.91 දක්වා ඉහළ ගොස් තිබිණි. අද දිනයේදී එය රු. 94 ඉක්මවා ගොස් ඇත.
ධම්මික පෙරේරාගේ Vallibel One PLC බහුතර කොටස් හිමි සම්පත් බැංකුවේ ද දෙවන විශාලතම කොටස් හිමියා වන්නේ රෙනෝ සිල්වාය.
&nbsp;

රේනෝ සිල්වා Hayleys සමාගමේ තුන්වන විශාලතම කොටස් හිමියා වෙයි!

එම වාර්තා අනුව, දැඩිගම පවුලේ සාමාජිකයෙක් වන රශ්මි දැඩිගම හා පීටර් කරන් විසින් 2010දී දිවංගත දෙවන එලිසබෙත් රැජින ආහාර ගත් මෙම හෝටලය හෙළි නොකළ මුදලකට මිල දී ගෙන ඇත.
ඓතිහාසික වටිනාකම: වික්ටෝරියානු ගෘහ නිර්මාණ ශිල්පයට අයත් මෙම ගොඩනැගිල්ල විශේෂිත හෝටලයක් (boutique hotel) වීමට පෙර අතීතයේදී පොලිස් ස්ථානයක් ලෙස ද භාවිතා වූ බව වාර්තා වේ.
2008 වසරේදී පෙර අයිතිකරුවන් වන The Finesse Collection මෙම දේපළ මිල දී ගෙන එය විශේෂිත හෝටලයක් බවට පරිවර්තනය කළේය. 
මොසෙයික් තට්ටු, පැල්ලම් සහිත වීදුරු ජනේල සහ මහා මධ්‍යම පඩි පෙළක් ඇතුළු වික්ටෝරියානු යුගයට අයත් ලක්ෂණ මෙම ගොඩනැගිල්ලෙහි දැකගත හැකිය.
කාමර 38කින් සමන්විත මෙම හෝටලයේ Bogart’s නම් කොක්ටේල් බාර් එකක් ද, Opulence නම් බ්‍රිතාන්‍ය අවන්හලකින් ද සමන්විතය.
බ්‍රිතාන්‍ය මාධ්‍ය වාර්තා අනුව Lavendish Leisure විසින් එංගලන්තයේ මිල දී ගනු ලැබූ දෙවන හෝටලය වන්නේ මෙයයි.
kentonline.co.uk නම් වෙබ් අඩවියෙහි පළවූ වාර්තාවකට අනුව, 2021දී Lavendish Leisure විසින් 1825දී ශ්‍රීමත් එඩ්වර්ඩ් බෑන්ක්ස් විසින් Sheerness හි ඉදිකරන ලද වසර 196ක් පැරණි Royal Hotel නම් හෝටලය බ්‍රිතාන්‍ය පවුම් 600,000කට මිල දී ගන්නා ලදී.
දැඩිගම සමූහය: 1950දී ආරම්භ කරන ලද දැඩිගම සමූහ ව්‍යාපාරය මුල්‍ය සේවා, ස්වර්ණාභරණ, මැණික් වෙළෙඳාම සහ අපනයන, ආගන්තුක සත්කාර, දේපළ වෙළඳාම් සහ වැවිලි ඇතුළු විවිධාංගීකරණය වූ සමාගමකි.
දැඩිගම සමූහ ව්‍යාපාරයට ලංකාව පුරා රන් ණය මධ්‍යස්ථාන 200කට අධික ප්‍රමාණයක්, මැණික් හා ස්වර්ණාභරණ ප්‍රදර්ශනාගාර 15කට අධික ප්‍රමාණයක් ඇති අතර එම සමූහයේ සමස්ත කාර්ය මණ්ඩලය සේවකයින් 2,000 ඉක්මවයි.
සමාගමේ වෙබ් අඩවියට අනුව, එම සමාගම හෝටල් සහ ආගන්තුක සත්කාර ක්ෂේත්‍රයට පිවිසෙන්නේ 2005 වසරේදීය. ලංකාව තුළ මේ වන විට එම සමාගමට අයත් හා එම සමාගම විසින් කළමනාකරණය කරනු ලබන තරු පන්තියේ හෝටල් 8ක් පමණ ඇත. ඒවා උණවටුන, හංවැල්ල, දඹුල්ල, සීගිරිය, කතරගම, අනුරාධපුර හා හබරණ පිහිටා ඇත.
&nbsp;

ලංකාවේ සමාගමක් එංගලන්තයේ ඓතිහාසික හෝටලයක් මිලට ගනී!

John Keells සමාගම විසින් ඩොලර් බිලියනක් පමණ අයෝජන කර ඉදිකර ඇති කොළඹ 02 පිහිටා ඇති Cinnamon Life Integrated Resort හි පිහිටුවීමට නියමිත කැසිනෝ හෝටලයේ ක්‍රියාකරු ලෙස Melco Resorts &amp; Entertainment Limited සමාගමේ සම්පූර්ණ අනුබද්ධිත සමාගමක් සමග සමග අවබෝධතා ගිවිසුමකට එලඹි බව John Keells සමාගම ඊයේ දිනයේදී (30) නිවේදනයකින් කියා සිටියේය.
මෙම නිවේදනයට අනුව:
<ul>
<li style="font-weight: 400;" aria-level="1">Melco විසින් කැසිනෝ අවකාශය සවි කිරීම සහ සන්නද්ධ කිරීම (fit-out and equipping) සඳහා දළ වශයෙන් ඩොලර් මිලියන 125 ක් ආයෝජනය කරනු ඇත.</li>
<li style="font-weight: 400;" aria-level="1">Cinnamon Life Integrated Resort පෙර නම් කර තිබූ පරිශ්‍රය Melco හි ප්‍රමුඛතම ඒකාබද්ධ හෝටල් සන්නාමය අනුව යමින් City of Dreams Sri Lanka  ලෙස නැවත සන්නාමකරණය වනු ඇත.</li>
<li style="font-weight: 400;" aria-level="1">City of Dreams Sri Lanka ඒකාබද්ධ පරිශ්‍රයට සුඛෝපභෝගී කාමර 687කින් යුත් Cinnamon Life නම් හෝටලයකින් සමන්විත වනු ඇත. එය ආසන 5, 000කින් සමන්විත ප්‍රදර්ශණ ශාලාවකින්, බෝල් රූම් සහ භෝජන ශාලා ආදී පහසුකම් රැසකින් සමන්විත වෙයි. එය කලමණාකරනය කරනු ලබන්නේ John Keells සමාගම විසිනි. Cinnamon Life හෝටලය මෙම වසරේ තුන් වන කාර්තුවේදී පමණ විවෘත කිරීමට නියමිතය.</li>
<li style="font-weight: 400;" aria-level="1">කාමර 113කින් හා කැසිනෝ ක්‍රීඩාවට අවශ්‍ය පහසුකම් වලින් සමන්විත අති සුඛෝපභෝගී හෝටලයක්ද, වර්ග අඩි 500,000 සාප්පු හා විනෝද සංකීර්ණයක්ද City of Dreams පරිශ්‍රයට අයත් වනු ඇත.</li>
<li style="font-weight: 400;" aria-level="1">City of Dreams Sri Lanka පරිශ්‍රයේ උඩම තට්ටු පහේ පිහිටා ඇතිකාමර 113කින් සමන්විත හෝටලය මෙල්කෝ සමාගමේ අධි සුඛෝපභෝගී හෝටල් සන්නාමය වන ‘Nuwa’ මගින් කළමනාකරණය වනු ඇත.</li>
<li style="font-weight: 400;" aria-level="1">City of Dreams තුළ මෙල්කෝ සමාගම විසින් වර්ග අඩි 180,000ක පමණ අවකාශයක් කැසිනෝ ක්‍රීඩාව පවත්වාගෙන යෑම සඳහා බදු පදනම මත ලබා ගනු ඇත.</li>
<li style="font-weight: 400;" aria-level="1">මේ සඳහා අවශ්‍ය සියලු මූලික එකඟතාවයන්ට මෙම ඒකාබද්ධ පරිශ්‍රයේ හිමිකරු හා John Keells සමාගමේ සම්පූර්ණ අනුබද්ධිත සමාගමක් වන Waterfront Properties සමග Melco සමාගම මේ වන විටත් එලඹ ඇත.</li>
<li style="font-weight: 400;" aria-level="1">ඒ අනුව කැසිනෝ සහිත මෙම හෝටලයේ ක්‍රියාකාරකම් 2025 මැද භාගය වන විට ආරම්භ වනු ඇතැයි බලාපොරොත්තු වේ.</li>
</ul>
කැසිනෝ බලපත්‍රය: John Keells සමාගම තම නිවේදනය හරහා පැවසුවේ Melco සමාගමට සම්පූර්ණයෙන්ම අයිති ශ්‍රී ලංකාවේ සංස්ථාපිත අනුබද්ධිත ආයතනයක් විසින් කැසිනෝ ක්‍රීඩාව පවත්වා ගෙන යෑමට අවශ්‍ය බලපත්‍රයක් ශ්‍රී ලංකා ‍රජයෙන් ලබා ගෙන ඇති බවය. එම බලපත්‍රයේ වලංගු භාවය වසර 20කි.
මෙල්කෝ යනු කව්ද: හොං කොං බිලියනපති Lawrence Ho සභාපති හා ප්‍රධාන විධායක නිලධාරී වන Melco Resorts &amp; Entertainment සමාගම ආසියාව පදනම් කරගත් කැසිනෝ හා හෝටල් ව්‍යාපාරයකි. ඔවුනට මැකාවූ, පිලිපීනය හා සයිප්‍රසයේ හෝටල් හා කැසිනෝ ව්‍යාපාරයන් ඇත. සුඛෝපභෝගී හෝටල් 13ක් ද, කාමර 6, 300ක් පමණද, වර්ග අඩි මිලියන 1.2කට වඩා වැඩි කැසිනෝ අවකාශයන්ද ඔවුන් සතු වේ.
2004 දී ආරම්භ කරන ලද Melco Resorts &amp; Entertainment Limited සමාගම NASDAQ හි ලැයිස්තුගත කර ඇත.මෙමෙ සමාගමේ ප්‍රාග්ධනීකරණය 2024 අප්‍රේල් 29 වන දිනට ආසන්න වශයෙන් ඩොලර් බිලියන 2.9කි. වැඩකරන සේවකයින් සංඛ්‍යාව 20,000කට වඩා අධිකය.
Melco Resorts &amp; Entertainment Limited සමාගමේ බහුතර හිමිකාරීත්වය Melco International Development Limited සතු වන අතර, එය හොං කොං කොටස් වෙළඳපොලේ ප්‍රධාන මණ්ඩලයේ ලැයිස්තුගත කර ඇති සමාගමක් වේ. එහි බහුතරය හිමිකාරීත්වය සභාපති, විධායක අධ්‍යක්ෂ සහ ප්‍රධාන විධායක නිළධාරියා වන Lawrence Ho හට හිමිය.
City of Dreams Sri Lanka කැසිනෝ ව්‍යාපාරය හරහා වසරකට ඩොලර් මිලියන 200-250ක් අතර ප්‍රමාණයක් උපයා ගැනීමට හැකි වනු ඇතැයි Melco Resorts ප්‍රධාන මූල්‍ය නිලධාරී Geoff Davis පවයි.
සංචාරක ව්‍යාපාරය:  City of Dreams Sri Lanka ශ්‍රී ලංකාව කෙරෙහි සංචාරක ආකාර්ෂණය තව දුරටත් වැඩි කිරීමට සමත් වනු ඇතැයි විචාරකයෝ පවසති. විශේෂයෙන්ම ධනවත් වීන ප්‍රජාවට කැසිනෝ ක්‍රීඩාව සඳහා පහසුකම් සලසන මැකාවූ මෙන්, නැගී එන ඉන්දීය මැද පන්තියට City of Dreams Sri Lanka හරහා ඔවුන් අපේක්ෂා කරන විනෝදාස්වාදය ලබා දීමට හැකි වෙනු ඇතැයි ඔවුන් පවසයි.
&nbsp;

කැසිනෝ සඳහා John Keells හා Melco ගිවිසුම්ගත වෙයි!

ඒ මන්දයත් මෙවන් දක්ෂ, අධිෂ්ඨානශීලී, නිර්මාණශීලී හා සාම්ප්‍රදායික බැමි සුණු විසුණු කරමින් ඉදිරියට ඇදෙන තරුණ කාන්තා පරපුරක් සිටින රටක් කිසිසේත්ම ඉදිරියට මිස පසුපසට යා නොහැකි බැවිනි..
Echelon Media සමූහයේ Neon සහ Echelon මාධ්‍ය සන්නාමයන් එක්ව ඊයේ දිනයේදී එළි දැක් වූ Shine 50 ලැයිස්තුව, වයස අවුරුදු 18 ත් 35 ත් අතර කලාව, ව්‍යාපාර, සමාජ ව්‍යවසාය, අධ්‍යාපනය, පරිසරය, තාක්‍ෂණය, විනෝදාස්වාදය, විද්‍යාව, මාධ්‍ය ආදී විවිධ ක්ෂේත්‍රයන්හී නියැලී සිටින, සමාජයට සුබලපෑමක් කරන තරුණියන් 50 දෙනෙකු සොයා ගිය ගමනේ කූඨප්‍රාප්තියයි.
<img loading="lazy" decoding="async" class="aligncenter wp-image-2176" src="https://backend.neonmedia.lk/wp-content/uploads/2024/08/EN-_5-1-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_5-1-300x169.jpg 300w, https://backend.neonmedia.lk/wp-content/uploads/2024/08/EN-_5-1-1024x576.jpg 1024w, https://backend.neonmedia.lk/wp-content/uploads/2024/08/EN-_5-1-768x432.jpg 768w, https://backend.neonmedia.lk/wp-content/uploads/2024/08/EN-_5-1.jpg 1200w" sizes="auto, (max-width: 550px) 100vw, 550px" />
(ඉහළ පේළියේ වමේ සිට: පියුමි වත්තුහේවා, මීරා නඩරාසා, ටෂිනි විතානගේ, තනුකි ගුණසිංහ/ පහළ පේළියේ වමේ සිට: රෝස් ප්‍රනාන්දු, ඩියානා ජයසුන්දර, ශ්‍රියංගනී ධනපාල,ෂෙනෙල් රොද්‍රිගෝ)
Shine 50 ලැයිස්තුවට තෝරා ගැනීමේ ක්‍රියාවලිය මූලික වශයෙන් සිදුවූයේ මහජන අයදුම්පත් කැඳවීමක් හරහාය. එලෙස ඉදිරිපත් වූ අයදුම්පත් සංඛ්‍යාව 700කට අධික විය.
Neon සහ Echelon කර්තෘමණ්ඩල විසින් උපදේශනය, බලපෑම, නවෝත්පාදනය හා නිර්මාණශීලිත්වය හා පරිමාණය සහ තිරසාරභාවය යන නිර්ණායකයන් ඔස්සේ ශ්‍රී ලංකාවේ නන්දෙසින් ලැබුණු මෙම අයදුම්පත් සමාලෝචනය කරන ලදී. අතිශය විනිවිදභාවයකින් යුතු තෝරාගැනීමේ ක්‍රියාවලියක් හරහා තෝරාගත් තරුණියන් 50 දෙනෙකු ඊයේ පැවති Shine 50 සම්මාන උත්සවයේදී සම්මානයට පාත්‍ර විය.
<img loading="lazy" decoding="async" class="aligncenter wp-image-2179" src="https://backend.neonmedia.lk/wp-content/uploads/2024/08/EN-_-4-2-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_-4-2-300x169.jpg 300w, https://backend.neonmedia.lk/wp-content/uploads/2024/08/EN-_-4-2-1024x576.jpg 1024w, https://backend.neonmedia.lk/wp-content/uploads/2024/08/EN-_-4-2-768x432.jpg 768w, https://backend.neonmedia.lk/wp-content/uploads/2024/08/EN-_-4-2.jpg 1200w" sizes="auto, (max-width: 550px) 100vw, 550px" />
(වමේ සිට පිළිවෙලින්: නාමිණී පණ්ඩිත,හෆ්සා මුහීඩ්, පුලනි රණසිංහ, සෆ්රා අන්වර්, පියුමනී රණසිංහ)
මෙම 50 දෙනාගේ ලැයිස්තුවේ සාමාන්‍ය වයස අවුරුදු 29ක් පමණ වේ. එසේම එයින් 31 දෙනෙකු කිසියම් ව්‍යාපාරයක හෝ ආයතනයක නිර්මාතෘ හෝ සම නිර්මාතෘවරියන් ය. මෙම ලැයිස්තුවේ සාමාජිකයින්ගේ සාමූහික පළපුරුද්ද වසර 589කි!
ඊයේ දිනයේදී සම්මානයට පාත්‍ර වූ තරුණියන් අතර එක් අයෙකි, මීරා නඩරාසා. මඩකලපුවේ පිහිටි Anicham Media හරහා LGBTQ+ ප්‍රජාවට ආරක්ෂිත අවකාශයක් නිර්මාණය කිරීමේ ප්‍රයත්නයක ඇය නිරත වෙයි. Ocean Theory සමාගමෙහි සම-නිර්මාතෘ වන මනේකා වරංගි විසින් පාසල් පෙළපොත් පුවරු ක්‍රීඩා සහ චිත්‍ර කතා ලෙස ප්‍රතිනිර්මාණය කරමින්, ශ්‍රී ලාංකීය දරුවන් ඉගෙන ගන්නා ආකාරය විප්ලවීය වෙනසකට ලක් කරමින් සිටී . කළුතර ප්‍රදේශයේ ජීවත් වන ලක්මිණි වීරක්කොඩි විසින් ස්වාභාවික ආහාර සඳහා ඉහළ යන ඉල්ලුමට පිළියමක් වශයෙන් විජලනය කළ ආහාර නිෂ්පාදන කර්මාන්තශාලාවක් පිහිටුවා ඇත. මේ වනවිට රටවල් ගණනාවකට සිය නිෂ්පාදන අපනයනය කරන ලක්මිණි, තම ප්‍රදේශයේ කාන්තාවන්ට තිරසාර ජීවනෝපාය මාර්ගයක් සලසයි. 
<img loading="lazy" decoding="async" class="aligncenter wp-image-2180" src="https://backend.neonmedia.lk/wp-content/uploads/2024/08/EN-_3-2-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_3-2-300x169.jpg 300w, https://backend.neonmedia.lk/wp-content/uploads/2024/08/EN-_3-2-1024x576.jpg 1024w, https://backend.neonmedia.lk/wp-content/uploads/2024/08/EN-_3-2-768x432.jpg 768w, https://backend.neonmedia.lk/wp-content/uploads/2024/08/EN-_3-2.jpg 1200w" sizes="auto, (max-width: 550px) 100vw, 550px" />
(ඉහළ පේළියේ  වමේ සිට: රෙෂාමි චාතුර්යා කොඩිකාර, නිශාන්ති සමරසේකර, මිරන්ති පතිරගේ, කේශයිනි එඩ්මන්ඩ්, නර්තනා සත්‍යමූර්ති / පහළ පේළියේ වමේ සිට: ලක්මිණි වීරක්කොඩි, මිරන්ති පතිරගේ, නිසංසලා රත්නගේ)
ඒ වගේම යාපනය විශ්ව විද්‍යාලයේ උපාධි අපේක්ෂිකාවක් වන අරුල්ප්‍රියා කිරේකරන් ඇයගේ ව්‍යාපාරය හරහා එම ප්‍රදේශයේ ප්‍රධාන පාරිසරික ප්‍රශ්නයකට පිළිතුරු සපයා ඇත. ඇයගේ Agrofeed සමාගම විසින් යාපනයේ කරවල කර්මාන්තයේදි මුහුදට බැහැර කරන මත්ස්‍ය අපද්‍රව්‍ය යෙදාගෙන පෝෂණ ගුණයෙන් අනූන කුකුළු ආහාර සාදයි. වර්තමානය වන විට ඇයගේ මෙම ව්‍යාපාරයට ආයෝජනය කිරීමට විදේශ අයෝජකයින් පවා ඉදිරිපත්ව ඇත. මූල්‍ය ක්ෂේත්‍රයේ වෘත්තිකයෙක් වුවත්, රෝස් ප්‍රනාන්දු, ලංකාව වටා ඇති මහ මුහුදේ සුන්දරත්වය ඉදිරි පරම්පරාවට රැක දෙන්න අදිටන් කරගත්ත තරුණියකි. The Pearl Protectors හි Cleaner Seabeds for Sri Lanka ව්‍යාපෘතියට නායකත්වය් සපයන රෝස්, ඇයගේ කිමිදුම් කණ්ඩායමත් සමග මුහුදු පත්ලේ තැන්පත්වන මාළු දැල්, ප්ලාස්ටික් අපද්‍රව්‍ය ඉවත් කිරීම හරහා කොරල්පර ඇතුළුව සමුද්‍ර ජීව පද්ධතිය ප්‍රතිෂ්ඨාපන කිරීමට වෙහෙසෙනවා.
<img loading="lazy" decoding="async" class="aligncenter wp-image-2181" src="https://backend.neonmedia.lk/wp-content/uploads/2024/08/EN-_6-1-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_6-1-300x169.jpg 300w, https://backend.neonmedia.lk/wp-content/uploads/2024/08/EN-_6-1-1024x576.jpg 1024w, https://backend.neonmedia.lk/wp-content/uploads/2024/08/EN-_6-1-768x432.jpg 768w, https://backend.neonmedia.lk/wp-content/uploads/2024/08/EN-_6-1.jpg 1200w" sizes="auto, (max-width: 550px) 100vw, 550px" />
(ඉහළ පේළියේ වමේ සිට: සාරංගි රත්නායක, සයෝජිතා විජයකුමාර්, විශ්මි කෞෂල්‍යා, සරණී ගුණතිලක / පහළ පේළියේ වමේ සිට: රෙහානා තව්ෆික්, අංජලී සිවරාජා)
ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය (USAID) ද, ප්ලැටිනම් අනුග්‍රාහකයා ලෙස සෙලාන් බැංකුවද මෙම Shine 50 ලැයිස්තුවේ හා සම්මාන උළෙලේ සාර්ථකත්වයේ ප්‍රධාන කොටස්කරුවන් වේ.
Echelon Media සමූහයෙහි කොටසක් වන Neon, ශ්‍රී ලංකාවේ තාරුණ්‍යය සඳහා වූ එකම ඩිජිටල් මාධ්‍ය සන්නාමයයි! ශ්‍රී ලංකාවේ Podcast ක්ෂේත්‍රයේ නව මානයන් සොයා යන Neon පුවත්වල ඇති නොපෙනෙන කෝණයන් සිය ග්‍රාහකයින් වෙත ගෙන ඒමට උත්සාහ කරයි. එමගින් ලංකාවේ තරුණ පරපුර ධනාත්මක අදහස් වලින් සවිබල ගැන්වීම හා ප්‍රබෝධමත් කිරීම ප්‍රමුඛතම අපේක්ෂාව වේ.
නවෝත්පාදනය, නායකත්වය, ආයෝජනය, ආණ්ඩුකරණය සහ පුද්ගල නිදහස පිළිබඳ සුවිශේෂී අවධානයක් සහිත, කුතුහලයෙන් පිරි පාඨකයින් සඳහා වන ශ්‍රී ලංකාවේ ප්‍රමුඛතම ප්‍රගතිශීලී ව්‍යාපාරික මාධ්‍ය සන්නාමය Echelon වේ. ඩිජිටල් සහ වීඩියෝ යන මාධ්‍යයන් දෙකෙන්ම Echelon ප්‍රකාශයට පත් කෙරේ.
<img loading="lazy" decoding="async" class="aligncenter wp-image-2183" src="https://backend.neonmedia.lk/wp-content/uploads/2024/08/EN-_1-1-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_1-1-300x169.jpg 300w, https://backend.neonmedia.lk/wp-content/uploads/2024/08/EN-_1-1-1024x576.jpg 1024w, https://backend.neonmedia.lk/wp-content/uploads/2024/08/EN-_1-1-768x432.jpg 768w, https://backend.neonmedia.lk/wp-content/uploads/2024/08/EN-_1-1.jpg 1200w" sizes="auto, (max-width: 550px) 100vw, 550px" />
(ඉහළ පේළියේ වමේ සිට: අභිෂේකා ප්‍රනාන්දු, අලෝෂා හේරත්, ආදිත්‍යා ජයසීලන්, අරුල්ප්‍රියා කිරේකරන්, අනීතා වි. ශිව්/ පහළ පේළියේ වමේ සිට: භාග්‍යා විජයවර්ධන, ග්‍රේස් හෙන්ස්මන්, එරන්දි තෙන්නකෝන්, ඩිනාරා පුංචිහේවා, ෂානා කරන්)
<img loading="lazy" decoding="async" class="aligncenter wp-image-2182" src="https://backend.neonmedia.lk/wp-content/uploads/2024/08/EN-_2-1-300x169.jpg" alt="" width="550" height="309" srcset="https://backend.neonmedia.lk/wp-content/uploads/2024/08/EN-_2-1-300x169.jpg 300w, https://backend.neonmedia.lk/wp-content/uploads/2024/08/EN-_2-1-1024x576.jpg 1024w, https://backend.neonmedia.lk/wp-content/uploads/2024/08/EN-_2-1-768x432.jpg 768w, https://backend.neonmedia.lk/wp-content/uploads/2024/08/EN-_2-1.jpg 1200w" sizes="auto, (max-width: 550px) 100vw, 550px" />
(ඉහළ පේළියේ වමේ සිට: චමෙ‍ා්දි විදානගේ, කවින්ද්‍යා තෙන්නකෝන්, හනා ෂෆා, ජැක්ලින් පෙරේරා, ඉරුෂි තෙන්නකෝන් / පහළ පේළියේ වමේ සිට: හුස්නා නලීර්, කල්පා ගන්ධාරී)
&nbsp;

ආරංචිය සුබයි! ලංකාවේ අනාගතය වෙනස් කරන තරුණියන් 50 මෙන්න!

උදාහරණයක් ලෙස ලංකා විදුලිබල මණ්ඩලය (ලංවිම) විසින් මේ සතියේදී ලංකාවේ සමාගම්වලින් කැඳවූ පුනර්ජනනීය බලශක්ති ව්‍යාපෘති සඳහා වන ටෙන්ඩර්වලදී විදුලි ඒකකයක් සඳහා ලංවිමට ගෙවීමට වන ගාස්තුව බොහෝ විට ඇමරිකානු ඩොලර් ශත 6ක් පමණ වනු ඇතයි මුර්ටාසා ජැෆර්ජි පවසයි.
පසුගිය දා ඉන්දියාවේ අදානි සමාගම විසින් ලංකාවේ උතුරු පළාතේ ඉදිකිරීමට යන සුළං බලාගාර දෙකක් සඳහා බලශක්ති මිල දී ගැනීමේ ගිවිසුමකට ලංවිම එළඹුණ බව වාර්තා විය. මෙම ගිවිසුමට අනුව Adani Green Energy සමාගමට කිලෝවොට් පැයකට (kWh) <a href="https://neonmedia.lk/2024/05/07/cG9zdDoxNTMx/අවුරුදු-20ක-විදුලිය-මිල-දී">ඇමරිකානු ඩොලර් ශත 8.26ක් ගෙවීමට කැබිනට් අමාත්‍ය මණ්ඩලය</a> විසින් අවසර ලබා දෙන ලදී.
“නොකැඳවූ යෝජනාවක් (unsolicited proposal) මත පදනම් වූ ව්‍යාපෘතියකට ඩොලර් සත 8.3ක් ගෙවන්නේ ඇයි? ජාත්‍යන්තර මූල්‍ය අරමුදල ලංකාවට සෑම විටම කියා සිටින්නේ ප්‍රසම්පාදනයේදී තරගකාරී ටෙන්ඩර ක්‍රියාවලියක් අනුගමනය කිරීමටයි. තරගකාරීත්වයක් නැතුව අපි කොහොමද විදුලි වියදම අඩුකරන්නේ?” ජැෆර්ජි ප්‍රශ්න කරයි.
<iframe loading="lazy" title="YouTube video player" src="https://www.youtube.com/embed/jU6eWj_sGA0?si=MSw7QVVgeuRvxg_a&amp;clip=UgkxvDQ6206sFc7uMasWqOakQJ2E_-SLlme2&amp;clipt=ENCgngIYsPWhAg" width="560" height="315" frameborder="0" allowfullscreen="allowfullscreen"></iframe>