2026 වසරේ දෙවන සහ තෙවන කාර්තු සඳහා විදුලි ගාස්තු 18% කින් ඉහළ නැංවීමට ශ්රී ලංකා මහජන උපයෝගිතා කොමිෂන් සභාව (PUCSL) අනුමැතිය ලබා දී ඇත. මෙම නව ගාස්තු සංශෝධනය අද (11) සිට ක්රියාත්මක වන නමුත්, ඉන් බහුතරයක් ගෘහස්ථ පාරිභෝගිකයන්ට බලපෑමක් සිදු නොවන බව කොමිෂන් සභාව අවධාරණය කරයි.
පසුගිය සෙනසුරාදා පැවති ප්රවෘත්ති සාකච්ඡාවකදී කොමිෂන් සභාවේ සභාපති මහාචාර්ය කේ.පී.එල්. චන්ද්රලාල් සඳහන් කළේ, ජාතික පද්ධති ක්රියාකරු (NSO) විසින් ඉදිරිපත් කරන ලද පිරිවැය ඇස්තමේන්තු සහ මහජන අදහස් සැලකිල්ලට ගනිමින් මෙම තීරණය ගත් බවයි. ඉන්ධන මිල ඉහළ යාම හේතුවෙන් ජනන පිරිවැය ඉහළ ගොස් ඇති අතර, රුපියල් බිලියන 38 ක පමණ ආදායම් පරතරයක් පියවා ගැනීම සඳහා මෙම සංශෝධනය අවශ්ය බව බලධාරීහු පෙන්වා දෙති.
මහාචාර්යවරයාට අනුව, රජය විසින් ලබාදෙන රුපියල් බිලියන 15 ක සහනාධාරය (Subsidy) හේතුවෙන් විදුලි පාරිභෝගිකයන්ගෙන් 95% කට මෙම වැඩිවීමෙන් බලපෑමක් නැත.
ගාස්තු සංශෝධනයට අමතරව, බලශක්ති ක්ෂේත්රයේ විනිවිදභාවය තහවුරු කිරීම සඳහා කොමිසම නව නියෝග කිහිපයක් නිකුත් කර ඇත:
එසේම, විදුලි බල මණ්ඩලය ඇතුළු ආයතන නිවැරදි දත්ත ලබා දීමට අපොහොසත් වුවහොත්, එමගින් සිදුවන මූල්ය අලාභ පාරිභෝගිකයාගෙන් අය කිරීමට අවසර නොලැබෙන බව ද සභාපතිවරයා අවධාරණය කළේය.
