ඒ අනුව මෙම ඉලක්කය සපුරා ගැනීමට ප්‍රධාන වශයෙන් බලපා ඇත්තේ මෙම වසර මුලදී වාහන ආනයන සීමා ලිහිල් කිරීමෙන් පසු රථවාහන බදු ඉහළ යාමයි.

රේගු ආදායම ඉහළ යාමට බලපෑ හේතු:

• වාහන බදු ආදායම: රේගු ආදායම් වර්ධනයට ප්‍රධාන හේතුවක් වී ඇත්තේ වාහන ආනයන බදුවලින් රුපියල් බිලියන 500කට අධික ආදායමක් ලැබීමයි.
• විනිමය සංචිත ස්ථාවර වීම: 2022 වසරේ මෙරට පැවති ආර්ථික අර්බුදයෙන් පසු විදේශ විනිමය සංරක්ෂණය සඳහා පනවා තිබූ ආනයන සීමාවන් ලිහිල් කිරීම නිසා ආනයන පරිමාව ඉහළ ගොස් ඇත.
• දැඩි නීති : වසර ගණනාවකට පසු ආනයන පරිමාව යථා තත්ත්වයට පත්වීම, දැඩි ලෙස නීති ක්‍රියාත්මක වීම සහ අගය තක්සේරු කිරීමේ ක්‍රමවේදයන් වැඩි දියුණු කිරීම ආදායම ඉහළ යාමට හේතු වී තිබේ.
• තියුණු අධීක්ෂණයක් : භාණ්ඩවල අඩු මිල ගණන් පෙන්වීම (under-invoicing) සහ වැරදි ප්‍රකාශ කිරීම (misdeclaration) තියුණු අධීක්ෂණයක් යටතේ සිදුවීම නිසා රාජ්‍ය ආදායම ඉහළ ගොස් ඇත.
• ඩිජිටල්කරණය: රේගු ක්‍රියාපටිපාටි ඩිජිටල්කරණය කිරීමට සහ අනුකූලතා යාන්ත්‍රණ ශක්තිමත් කිරීමට ආණ්ඩුව ගෙන ඇති ක්‍රියාමාර්ග මගින් කාර්යක්ෂමතාව සහ විනිවිදභාවය වැඩිදියුණු වී ඇත.

මූල්‍ය ඉලක්ක සපුරා ගැනීම : ඒ අනුව අධික ආනයන ක්‍රියාකාරකම්, විනිමය චලනයන් සහ දැඩි නීති ක්‍රියාත්මක කිරීමේ බලපෑම හේතුවෙන්, 2025 වසරේදී භාණ්ඩාගාරය සඳහා ප්‍රධානතම ආදායම් මාර්ගයක් ලෙස රේගුව හදුනාගෙන ඇත. 

රේගුවේ ආදායම ජාත්‍යන්තර මූල්‍ය අරමුදල (IMF) විසින් මෙරටට සහාය දක්වන වැඩසටහන යටතේ රජයට සිය මූල්‍ය ඉලක්ක සපුරා ගැනීමට අවශ්‍ය ප්‍රධාන ශක්තියක් සපයා ඇත.

ඒ අනුව ශ්‍රී ලංකා රේගුව විසින් 2025 නොවැම්බර් 11වනදා අවසන් වන විට, එනම් 2025 වසර අවසන් වීමට දින 50කට පෙර රුපියල් බිලියන 2,117.2ක් (ඇ.ඩොලර් බිලියන 7.06) ක ආදායමක් උපයා ඇත.