කාගෙද මේ ඩොලර්?: ශ්‍රී ලංකා මහ බැංකුව සතු විදේශ මූල්‍ය සංචිත තිබෙන අතර, එය ඩොලර් ණය ලෙස ලැබුණු මහා භාණ්ඩාගාරය සතු විදේශ සංචිත ද කළමනාකරණය කරයි.

මේවා බැරකර ඇති ගිණුම් මහා භාණ්ඩාගාර නියෝජ්‍ය ලේකම්වරයාගේ (DST) නමින් පවත්වාගෙන යන අතර 2024 වර්ෂය අවසානය වන විට මහ භාණ්ඩාගාර නියෝජ්‍ය ලේකම්වරයාගේ නමින් පවත්වාගෙන ගිය ‘ඩොලර් ගිණුම් 2’ හි ශේෂය ඩොලර් මිලියන 106.11ක් පමණ විය.

ඒ අනුව DSTගේ නමින් ඇමරිකාවේ පවත්වාගෙන ගිය ගිණුමේ මුදල් අවදානම් කළමනාකරණය සඳහා 2024 වර්ෂයේදී ස්විට්සර්ලන්තයේ ජාත්‍යන්තර බේරුම්කරණ බැංකුව (Bank for International Settlements) වෙත මාරු කර යවන ලද බව ශ්‍රී ලංකා මහ බැංකුව පවසයි.

මොකක්ද මේ BIS?: ස්විට්සර්ලන්තයේ බාසල්හි මූලස්ථානය පිහිටා ඇති ජාත්‍යන්තර බේරුම්කරණ බැංකුව (BIS), ගෝලීය මහ බැංකු සඳහා මධ්‍යම මධ්‍යස්ථානයක් ලෙස සේවා සපයන ජාත්‍යන්තර මූල්‍ය ආයතනයකි. 

1930 දී පිහිටුවන ලද BIS, මහ බැංකු අතර සහයෝගීතාවයට පහසුකම් සැලසීම, ආර්ථික පර්යේෂණ පැවැත්වීම සහ බාසල් ගිවිසුම් වැනි නියාමන රාමු සඳහා සහාය වීම මගින් ජාත්‍යන්තර මූල්‍ය හා මූල්‍ය ස්ථාවරත්වය ප්‍රවර්ධනය කරයි. 

බොහෝ විට “මහ බැංකු සඳහා වන බැංකුව” ලෙස හඳුන්වනු ලබන එය, ගෝලීය මූල්‍ය ප්‍රතිපත්තිය හැඩගැස්වීමේදී සහ පද්ධතිමය අවදානම් වලට ප්‍රතිචාර දැක්වීමේදී තිරය පිටුපස තීරණාත්මක කාර්යභාරයක් ඉටු කරමින්, මූල්‍ය බලධාරීන්ට පමණක් බැංකු සේවා සපයයි.