ජනවාරි පළමු වන දා සිට එකතු කළ අගය මත බද්ද (VAT) 03%කින් ඉහළ නැංවීමට පාර්ලිමේන්තුවේ අනුමැතිය ලැබී ඇත. ඩොලර් බිලියන තුනක ගනුදෙනුව සඳහා ජාත්‍යන්තර මූල්‍ය අරමුදල (IMF) සමග එකඟ වූ ආදායම් ඉලක්ක සපුරා ගැනීම සඳහා මෙලෙස වැට් බදු වැඩි කිරීම සිදු කර තිබේ.

එකතු කළ අගය මත බදු (සංශෝධන) පනත් කෙටුම්පත මගින් දැනට පවතින 15%ක වැට් බද්ද 18% දක්වා ඉහළ දැමීම සහ වැට් බද්දෙන් භාණ්ඩ නිදහස් කිරීමේ ලැයිස්තුවෙන් භාණ්ඩ ඉවත් කිරීම බහුතර ඡන්ද 45කින් සම්මත විය. මැති ඇමතිවරු 225 දෙනෙකු සිටින පාර්ලිමේන්තුවේ සිය දෙනෙකු සංශෝධනයට පක්ෂව ද 55 දෙනෙකු විපක්ෂව ද ඡන්දය ප්‍රකාශ කළහ.

තිරය පිටුපස කතාව: නව පනත් කෙටුම්පත සම්මත වූයේ ඩොලර් බිලියන තුනක් වූ ජාත්‍යන්තර මූල්‍ය අරමුදලේ ඩොලර් මිලියන 330ක දෙවන ණය වාරිකය පිළිබඳ ඔවුන්ගේ සාකච්ඡාව පැවැත්වීමට නියමිතව තිබූ දිනයට පෙර දිනයේය.

2023 වසරේ මුල් මාස නවයෙ හි බදු ආදායම ගිය වසරට සාපේක්ෂව 51%කින් ඉහළ ගොස් ඇති නමුත් ජාත්‍යන්තර මූල්‍ය අරමුදල සමග එකඟ වූ ආදායම් ඉලක්කය තවමත් සපුරාගෙන නොමැත.ජාත්‍යන්තර මූල්‍ය අරමුදලේ ඉලක්කවලට ළඟා වීම සඳහා ආදායම ඉහළ නැංවීම නව බදු යෝජනා මගින් අපේක්ෂා කරන බව මුදල් අමාත්‍යංශ නිලධාරීන් පවසා ඇත.

විවාදය කල් යාම: වැට් බදු සංශෝධන පනත් කෙටුම්පත ඉරිදා (10) දින විවාදයට ගැනීමට නියමිතව තිබූ අතර පාර්ලිමේන්තුවේ ගණපූරණය නොමැති වීම හේතුවෙන් එය සඳුදා දින දක්වා කල් තබනු ලැබීය.

වාරිමාර්ග ඇතුළු අනෙකුත් අයවැය යෝජනා විවාදයට ගැනීමට නියමිතව තිබූ බැවින් වැට් බදු සම්බන්ධ විවාදය සඳුදා දිනට යොදා ගැනීමට විපක්ෂය විරුද්ධ විය. 

නව වැට් බදු සංශෝධනයෙන් මින් පෙර වැට් බද්දෙන් නිදහස් කර තිබූ භාණ්ඩ 138න් 97කටම බදු ගෙවීමට ජනතාවට සිදු වේ.

වැට් බද්දට යටත් නොවන අයිතම: 

• ඖෂධ
• විශේෂ අවශ්‍යතා සහිත පුද්ගලයන්ගේ උපකරණ
•  සහල් පිටි
•  තිරිඟු පිටි
• එළවළු
• පලතුරු
• දියර කිරි
• 1990 ගිලන් රථ සේවාව