கிராமப்புற விவசாயிகளுடன் சேர்ந்து காலநிலை பாதிப்புக்கு எதிராகப் போர்

எஸ்கோல் நிறுவனத்தின் இணை நிறுவனர் மற்றும் நிர்வாக இயக்குனராக, பாக்யா உத்பல விஜயவர்தன கிராமப்புற சிறுதொகுதி விவசாயிகளுடன் சேர்ந்து காலநிலை பாதிப்புக்கு எதிராகப் போராட, வேளாண்மை முறைகளை மேம்படுத்த, மற்றும் அவர்களின் வாழ்வாதாரத்தை நிலைநிறுத்த உதவி செய்கிறார்.

பாக்யாவின் புதுமையான அணுகுமுறை குறைந்த செலவில், நீடித்த நவீன தொழில்நுட்பங்களை அறிமுகப்படுத்துவதில் மையமாக உள்ளது.

அவர் பதுள மற்றும் ரத்னபுரவில் 50 விவசாயிகளுக்கு பசுமைக் கூடங்கள் மற்றும் நீர்பாசன அமைப்புகளை அறிமுகப்படுத்தியுள்ளார்.

எஸ்கோல் நிறுவனத்தின் தாக்கத்தை கிராமப்புறங்களில் மட்டுமின்றி, நகரப் பகுதிகளிலும் காணக்கூடியதாக உ;ள்ளது.

குறுகிய நகரப்புற இடங்களில் பயிர்கள் வளர்க்கும் முறைகளை அறிமுகப்படுத்தியதன் மூலம், 250க்கும் மேற்பட்ட குடும்பங்களை சிறிய இடங்களில் தோட்டங்களை உருவாக்கவும் பயனுள்ள தோட்டங்களாக மாற்றவும் உதவியுள்ளார்.

எஸ்கோல் நிறுவனத்தின் தனிச்சிறப்பு அதன் புதுமை மட்டுமல்ல, தன்னிறைவு கொண்ட தன்மையிலும் உள்ளது. ஒரு சமூக நிறுவனம் என்ற முறையில், எஸ்கோல் வருடத்திற்கு 1.5 முதல் 2 மில்லியன் ரூபாய் வருமானத்தை வெளிநாட்டு நிதியீடு இன்றி ஈட்டுகிறது.

இந்த வருமானம் நகர்ப்புற வீடுகளுக்கும் சிறு அளவிலான விவசாயிகளுக்கும் மலிவான, நடைமுறையான தீர்வுகளை வழங்க உதவுகிறது. அதே சமயத்தில் இது நிறுவனத்தின் வளர்ச்சி மற்றும் தொடர்ச்சியான தாக்கத்தை உறுதிப்படுத்துகிறது.

மடியுல்லார் பசுமைக் கூடங்கள் மற்றும் மாற்றுத் திறனாளிகளுக்கான உணர்வுப் பூங்காக்கள் போன்ற முன்னோடி முயற்சிகளை அறிமுகப்படுத்தி, நிலைத்த (Sustainable ) வேளாண்மையை எல்லோரும் அணுகத்தக்கவாறு, பயனுள்ளவாறு மாற்றுவது அவரது நிலைத்த முயற்சியாகும்.

பாக்யாவின் நிலைத்தன்மை (Sustainibility) மீதான அக்கறை, சுமார் 50 சிறுதொகுதி விவசாயிகளின் வேளாண்மை முறைகளை மாற்றியமைக்கும் தனிப்பட்ட ஆலோசனை சேவைகளில் தெளிவாக தெரிகிறது. ,

அவர் 200 முதல் 300 மாணவர்களைச் சேர்ந்த கல்விச்செயற்பாடுகளில் ஈடுபடுத்தி, அவர்களை சமூக தோட்டங்களை உருவாக்கவும் மற்றும் நிலைத்தன்மையை பாடத்திட்டங்களில் ஒருங்கிணைக்கவும் உதவியுள்ளார்.

பாக்யாவின் தொழில்முறை வாழ்க்கையில் முக்கியமான தருணம் 2018 காமன்வெல்த் யூத் விருதுகளுக்கு தேர்வு செய்யப்பட்ட நிகழ்ச்சியாகும்.

அவர் இலங்கையின் உணவு பாதுகாப்பை மேம்படுத்தியதற்காக குயின்ஸ் யங் லீடர்ஸ் விருதைப் பெற்றார்.

இந்த வெற்றி அவருக்கு கேம்பிரிட்ஜ் பல்கலைக்கழகத்தில் நிலைத்தன்மைத் தலைமையாற்றும் முன்னோடி படிப்புகளுக்கான வாய்ப்புகளைத் திறந்தது.